काठमाडौं । शरीरमा हुने दुखाइमध्ये हाडको दुखाइ पनि एक हो । कतिपयले यस्तो समस्यालाई बेवास्ता गरेको पाइन्छ । तर, यसलाई सामान्य रूपमा लिनु हुँदैन ।
कारण:
– दुर्घटनामा चोट लागेको अवस्थामा हाड दुख्छ, जसले भविष्यमा समस्या निम्त्याउन सक्छ ।
– शरीरमा क्याल्सियम र भिटामिन डीको कमी हुँदा हाड दुख्न थाल्छ ।
– रक्त, स्तन, थाइराइड, फोक्सो, हाड र प्रोस्टेट क्यान्सरका कारण हाड दुख्न सक्छ । यदि क्यान्सर हाडमा फैलियो भने अत्यधिक पीडा हुन्छ ।
– रगतको कमीले हाडको स्वास्थ्य बिग्रिन्छ र हाड दुख्न थाल्छ ।
– हाडमा संक्रमण भएमा पीडा बढ्न सक्छ ।
लक्षण:
– हाडमा चोट लागेको बेला हिँड्दा वा टहल्दा पीडा महसुस हुनु ।
– ढाड दुख्नु, शरीर चलमलाउँदा पीडा हुनु, कमजोरी अनुभव हुनु, हाड खिइने, शरीरको एक भागको हड्डी छोटो हुँदै जानु ।
– क्यान्सरका कारण हाड खिइने, टाउको दुख्ने, हाड भाँचिने, श्वासप्रश्वासमा अवरोध, जन्डिस, छाती दुख्ने समस्या ।
– रगतको कमीका कारण हाड दुख्दा कमजोरी अनुभव गर्नु ।
– हाडमा संक्रमण भएमा प्रभावित भाग रातो हुनु ।
रोकथाम:
– नियमित शारीरिक व्यायाम गर्नु ।
– क्याल्सियम र भिटामिन डीयुक्त आहारको सेवन गर्नु ।
– मद्यपान र धूम्रपानबाट टाढा बस्नु ।
– ६ महिनामा एक पटक स्वास्थ्य परीक्षण गर्नु ।
परीक्षण र उपचार:
– एक्सरे, रगत परीक्षण, भिटामिन डी र क्याल्सियमको जाँचबाट हाड दुखाइको कारण पत्ता लगाउनु ।
– जटिल अवस्थाहरूमा एमआरआई, सीटी स्क्यान, ट्युमर र बोन क्यान्सर परीक्षण गरिन्छ ।
– पिसाब परीक्षणबाट पनि हाडमा समस्या पत्ता लाग्न सक्छ ।
– दुखाइको अवस्थाअनुसार एन्टिबायोटिक औषधि प्रयोग गर्नु ।
– सामान्य अवस्थामा, भिटामिन र क्याल्सियमयुक्त पौष्टिक आहारको सेवनबाट दुखाइलाई नियन्त्रण गर्न सकिन्छ ।
