काठमाडौं । लोकसेवा आयोगले अधिकृत तहका ४२० पदमा विज्ञापन खुलाएको छ । आयोगले खुला, समावेशी र जेष्ठताका आधारमा यी पदपूर्ति गर्न विज्ञापन सार्वजनिक गरेको हो । आयोगका अनुसार, जेष्ठता र कार्यसम्पादनको आधारमा हुने बढुवाका लागि निजामती सेवा ऐन (२०४९), कर्मचारी समायोजन ऐन (२०७५) र राष्ट्रिय मानव अधिकार आयोग सेवाका नियमावली अनुसार विज्ञापन गरिएको छ ।
निजामती सेवातर्फ न्याय समूहका लागि २२ पद, न्याय सेवा (कानुनतर्फ) ५ पद, सरकारी वकिलतर्फ ७ पद, परराष्ट्र सेवातर्फ २८ पद, प्रशासन सेवा (सामान्य प्रशासन समूह) तर्फ २५ पद, लेखा समूहतर्फ १८ पद, राजस्वतर्फ १३ पद र लेखापरीक्षणतर्फ ४ पद गरी कुल १२२ पद बढुवाद्वारा पदपूर्ति गरिने जनाइएको छ । साथै, मानव अधिकार सेवातर्फ २ पदका लागि विज्ञापन खुलाइएको छ ।
