काठमाडौं । उर्जा, जलस्रोत तथा सिचाइँ मन्त्री दीपक खड्कामाथि मन्त्रालय परिसरमा एक सर्वसाधारणले हातपात गर्ने प्रयास गरेको खुलासा भएको छ । गत शुक्रबार, मन्त्री खड्का मन्त्रालयबाट निस्कँदै गर्दा एक पुरुषले उनलाई आक्रमण गर्ने प्रयास गरेको जानकारी सार्वजनिक भएको छ ।
मन्त्री खड्काले पार्टीका वरिष्ठ नेता शेरबहादुर देउवा समक्ष यो घटना चर्चा गर्दै सिंहदरबारको सुरक्षा व्यवस्थालाई कमजोर ठहराएका छन् । मन्त्री खड्काले भने- ‘म मन्त्रीको हैसियतमा मन्त्री कार्यालयबाट निस्कँदा सुरक्षा व्यवस्था अत्यन्तै कमजोर थियो र त्यहाँ एक व्यक्तिले ममाथि आक्रमणको प्रयास गर्यो ।’
प्रहरीका अनुसार, खड्कामाथि हातपात गर्ने व्यक्तिको नाम हरि पोखरेल रहेको र उनी २०७९ को निर्वाचनमा गोरखाबाट गण्डकी प्रदेशसभा निर्वाचनका स्वतन्त्र उम्मेदवार थिए । मन्त्री खड्काले सरकारमा सहभागी १० मन्त्री, २ राज्यमन्त्री र संसदीय दलका कार्य समितिका सदस्यहरू समेत उपस्थित एक बैठकमा अन्य मन्त्रीहरूलाई सुरक्षा र सतर्कतामा सचेत रहन आग्रह गरे ।
सुरक्षाकर्मीको छेकमा असल रूपमा घटनालाई रोक्न सफल भएपछि खड्कामाथि अप्रिय घटना भने हुन पाएन । आरोपीलाई एक दिन सिंहदरबार प्रहरी वृत्तमा राखेर छाडिएको जानकारी प्राप्त भएको छ ।
